“Не білімі, не мәдениеті жоқ”: Журналист Тұрсынбек Қабатовты сынады

Бұл туралы ол Facebook желісіндегі парақшасында айтты. 

"ЖАПОНИЯНЫ НЕГЕ ЯПОНИЯ ДЕЙДІ?

Тіл, сөйлеу мәдениеті. Сахнадан сөйлеген халықтың құлағында қалады және осылай сөйлеу дұрыс деп ойлайды көбісі.

Кеше белгілі драматург Roza Mukanova теледидардан қандай тіл пайдаланатын туралы сын айтты. Бәрі келісті, қауым қолдап отыр. Енді теледидар басшылығы осы мәселеге мән беру керек міндетті түрде.

Мысалы, осы Қабатовтың сахнаға лайық емес екенін мен айтып келе жатырмын. Не білімі, не мәдениеті жоқ. Надан, бірақ пойдет біздің ауылға бізде ауылдан шыққанмыз деп қолдайды халық.

Кеше автобус кондуктордың сөйлеуіне қаншама сын айтты жұрт арасында, орысша сөз көп қосады деп. Ол жәй кондуктор. Осы жұмысқа білімі дипломы болмағасын барған ғой.

Ал, мен қазақша жазсам қаншама сын естимін, жазбасан тағы пәле неге қазақша жазбайсың деп шығады осы Қабатовтың көрермендері.

Мен қазақ мектебінде оқымадым, біздің қалада қазақ мектебі болмады, бір интернат болған қала шетінде. Ал Қабатов ауылда қазақ мектебінде оқыған. Ол неге көп орысша сөз қосады? Неге Жапонияны Япония дейді?

Остров - арал
Краска - бояу
Есть такое государство - мұндай мемлекет бар
Художник - суретші
Кисточка - қылшық

Қабатовқа жеткізіңізші қазақ мектебін бітірген, мен гугл-аудармашыны қолдандым, соны ол да қолдансын", - деп жазды журналист.