RUS
SmartNews басылымының хабарлауынша, Алматы биыл саяхаттап бару керек әлемнің 52 туристік орынның біріне айналды.
The New York Times дәстүрлі рейтингін жариялап, Алматы қаласын үздік туристік бағыттар тізіміне қосты. 2024 жылы баруға тұрарлық орындардың басында Мауи, Париж, Женева сияқты белгілі туристік шаһарлар тұрса, Алматы қаласы тізімнің бел ортасында орналасқан. Яғни, Австриядағы Вена мен Мысырдың Хургадасын да жоғары тұр.
Басылымның айтуынша, Алматы сан алуан көрікті жерлерімен және тағам мәзірінің алуан түрлілігімен ерекшеленеді. «Ұн, су және етке негізделген нео-көшпенділер асханасы - гипер-заманауи стильді паш етеді» дейді мақалада.
Шаһар орта азия өңірінен рейтингке енген жалғыз қала болды. Бұған дейін біздің еліміз 2017 жылы ЭКСПО көрмесі қарсаңында осы тізімге қосылған еді. Былтыр 9 айда Қазақстанға келген туристердің саны қырық пайызға өсіп, 835 мыңнан асқан. Оның ішінде елімізге саяхаттап келетін америкалықтың да саны артқан. Ал белді басылымның биылғы тізіміне Алматыны қосуы шетелдіктердің қызығушылығын одан бетер арттыруға сеп болуы тиіс.
"Қазақстан туралы хабарым бар. саяхаттау үшін тартымды жер деп санаймын. Сондықтан бір күні қыдырып барамын деп ойлаймын. Оның үстіне The New York Times өте сенімді басылым. Сондықтан газеттен қандай да бір мақала жарияласа ол міндетті түрде көптің назар аударады", - деді АҚШ тұрғыны Грейс Клунатский.
"Мен Қазақстанға саяхаттап барар едім. Мәдениетімен танысып, түрлі тағам түрлерінің дәмін татып көргім келеді. Оның үстіне белді басылым кеңес беріп жатса әрине тіпті ойланарлық дүние", - деді АҚШ тұрғыны Лэн Смис.