RUS
SmartNews басылымының хабарлауынша, cенат депутаты Дархан Қыдырәлі үкіметке жолдаған депутаттық сауалында Жошы ханға қатысты сөз сөйледі.
«Биыл аяқталатын Қазақстан тарихының көп томдығы Жошы ұлысына қатысты тың деректерді ұсынады деп үміттенеміз. Мектеп оқулықтары осы көптомдық негізінде қайта жазылғаны абзал. Онда Жошының қазақ хандарының атасы екені баса айтылуы тиіс. Сонымен қатар оқулықтарға қазақ мемлекеттілігінің бастаулары туралы да соны деректер енгізу керек. Мәселен тарихи Талас құрылтайы өткен, Жетісу мен Сыр арасында құрылған Моғолстан мемлекетіне 6-7 сыныпқа арналған оқулықта 1 параграф, ал 10-сыныпқа арналған оқулықта 4-5 жол ғана арналған. Ал осы Моғолстан жерінде, Шу бойында Қазақ хандығының негізі қаланғаны белгілі» - деді ол.
Жошы ұлысының 800 жылдығы аясында ауқымды зерттеулер қолға алынатынын Президент Қасым-Жомарт Тоқаев «Egemen Qazaqstan» газетіндегі сұхбатында айтқан болатын. Жыл соңына дейін Қазақстан тарихы көптомдығын әзірлеу жоспарда тұр.