RUS
Smart News басылымының хабарлауынша, бүгін ұлт перзентінің 80 жылдығына орай алматылықтар оның жетістіктерін, идеялары мен істерін еске алуға жиналды.
Белгілі болғандай саясаткердің асына елімізге танымал қоғам қайраткерлері, зиялы қауым өкілдері қатысқанын аңғаруға болады. Олардың қатарында Асанәлі Әшімов, Мұрат Әуезов, Зейнеп Ахметова, Нұрлан Оразалин, Амангелді Шабдарбаев, Рысбек Сәрсенбай, Болат Әбілов және тағы басқалары барған.
Бірақ асқа қатысқандар арасында әнші, саясаткердің екінші әйелі Мақпал Жүнісова болмаған. Ол өзінің Instagram парақшасында жиынға не үшін бармағанын жазды.
«Ниетімді қабыл етсін! Өтіп жатқан, бағыштаған құранымыз қабыл болсын. Әттең-ай, жолды ашпады. Өзім Астанадан жете алмай қалдым» - деп жазған ол.
Қазір Астанадағы ауа райының қолайсыздығының кесірінен 11 әуе рейстері кейінге кешіктіріліп, 3 рейс тоқтатылған.
Естеріңізге сала кетсек, бұған дейін Президент марқұм Заманбек Нұрқаділовке арнап ескерткіш тұрғызылатыны туралы хат жазғаны туралы жазған едік. Президент Кеген ауданына саясаткердің ескерткішін, ал Алматыда тұрған үйіне ескерткіш-тақта орнатуды қажет деп жазды.