Қаңтар оқиғасында сотталған марқұмдардың туыстары Астанаға келді

Жақындарының толық ақталуын талап етіп, Ақордаға бармақ болған бір топ азаматты арнайы жасақ кеттлинг әдісімен қоршауға алып, жарты сағаттан кейін автобусқа күштеп отырғызып, алып кетті. Оларды қай бөлімшеге әкеткені белгісіз.

Астанаға Қаңтар оқиғасы кезінде қаза болған Думан Қанатбектің әкесі Әкімбек Қалыбеков, Нұрсұлтан Қуатбаевтың әкесі Бақытжан Шыңғысбеков, Тұрар Арыстанқұловтың әйелі Әлия Сәкенқызы, Қайрат Ниязбаевтың әйелі Әйгерім Ниязбаева, Бақыткелді Байқадамовтың анасы Гүлнұр Қарақасова, Жеңісбек Әлжанбаевтың анасы Қалимаш Тұрсынова барды.

Олар жақындарын толық ақтауды, 5 қаңтарды қаралы күн деп жариялауды талап еткен.