RUS
Smart News басылымының хабарлауынша, әнші Мақпал Жүнісованың жас күнінде жарияланған суреті көпті таң қалдырды.
Әнші Instagram-дағы парақшасында фотожурналист Болат Омарәлиевтің Facebook парақшаға жариялаған постын бөлісті.
«Мына суретті 1980 жылдары түсірдім. Бұл Мақпал Жүнісованың тұрмысқа шықпаған кезі. Суреттің ұтып тұрғаны – көздің жұмылғаны. Сұлулықтың көздің жұмылғанында болатынын осы Мақпалдан көрдім», – деді суретке түсіруші фотожурналист Болат Омарәлиев.
Әншінің суретін көрген жұрт, Мақпал Жүнісованың жас күніндегі келбетіне тамсанды.
«Қобаға мұрын, қой көзді, Ақша бетті нұр жүзді', деген жыр жолдары бар , сол осы Мақпалға айтылғандай дейді менің мамам, өте сұлу кісі ғой»;
«Алма мойын,аршын төс,қиылған қас ,қолаң шаш,қыпша бел,сүйрік саусақ,ақша беттің нақ өзі болып тұрсыз»;
«Биыл 60 жасқа шыққан болса, 80-жылы 16 жаста болған екен»;
«Әрине, осы сұлулық, қазақтың біртуар азаматын ғашық еткен», - деп жазды оқырмандар.
Оқырмандардың ізгі тілегіне әнші былайша жауап қайтарды.
«Суретте 16 жаста емеспін. 16 жасымда қасым қалың, көзді бұлай бояған жоқ едім. Кірпігімді анда-санда көтеріп қоятынмын. Бұл 19 немесе 20 жасым болуы керек.
Сол кезде үйленейік дегенде, неге кетіп қалмадым деп осы шақта өкінетін сәттер болатын боп жүр.
Кейде ойланып отырып өз-өзіме айтам, мүмкін Зәкеңе дөрекі сөйлеп, қысқа юбка киіп, жабыстырып шалбар киіп, шашты сарыға бояп, боқтық әңгіме айтқанда маған жоламай, өзі қашып кетер еді ғой» деп… «Шілей» сұлу болған да қауіпті екен», – дейді Мақпал Жүнісова.