RUS
Smart News басылымының хабарлауынша, Мемлекеттік кеңесші Ерлан Қарин 2023 жылы өз жұмысын аяқтаған Саяси қуғын-сүргін құрбандарын толық ақтау жөніндегі мемлекеттік комиссия қызметінің қорытындысы туралы айтып берді.
Ерлан Қарин атап өткендей, комиссия мүшелері дайындаған материалдарды талдау және оларды бір жүйеге келтіру жұмыстары жалғаса береді.
Мемлекет басшысының өкіміне сәйкес, бұл мәселеде 2021 жылдың мамырында Президент Архивінің жанынан құрылған ХХ ғасырдағы саяси қуғын-сүргін материалдарын зерделеу орталығы айрықша рөл атқарады. Бұл орталықта Мемлекеттік комиссия қызметінің нәтижесінде жинақталған және әзірленген ХХ ғасырдағы саяси қуғын-сүргін тарихына қатысты негізгі мұрағат қоры шоғырланған. ХХ ғасырдың 20-50 жылдары қуғын-сүргінге ұшыраған адамдарға қатысты 688 мың іс осында жинақталған.
Ерлан Қарин Орталық жұмысының қорытындысы жыл сайын ғылыми жинақ ретінде жарық көріп, ғылыми ұйымдар мен жоғары оқу орындарына берілетінін атап өтті.