RUS
Smart News басылымының хабарлауынша, журналист Қымбат Досжан Жәнібекті сатып алған әйелдің оқиғасын ашық айтты. Ол бұл туралы «Сұрауы бар» YouTube арнасына берген сұхбатында айтты.
Бағдарлама жүргізушісінің «Жәнібекті асырап алған ата-анасы белгілі бір адамдарға ақша бергенін айттыңыз. Сол сияқты жағдайлар бар ғой» дегеніне, Қымбат Досжан былай деп жауап берді.
«Жәнібекті асырап алған азаматша Бельгияда отырып-ақ, өзінің электронды поштасына Жәнібектің суреті, оның мәліметі туралы көріп-біліп, ешқандай ауруы жоқ екенін, сүйкімді, әдемі бала екенін көріп келген. Келгенде «Жәнібекті аламын» деп келген. Келгенде қалтасында біздікілердің айтқан сомадағы ақша болған. Сол ақшаны алып келіп, оны бір кісіге берген. Бірден. Қолма-қол. Ол анық. Бірақ кімге бергені, қанша бергені әзірге айтылмайды. Ол ертең шығады. Бұл жерде мен ұйымдасқан қылмыс туралы айтып тұрған жоқпын», - деді журналист Қымбат Досжан
Сондай-ақ журналист балалар үйінің қызметкерлері мен перзентханадағы дәрігерлерде бума-бума ақша болғанын айтты. Оның ойынша, олар балаларды сатқан ақшасымен байыған.