RUS
SMARTNEWS басылымының хабарлауынша, Дубайда жүйрік аттар арасында өткен Al Maktoum Challenge (1-топ) Presented By Longines бәйгесінде қазақтың “Қабірхан” атты сәйгүлігі жеңіске жетті. Бұл туралы Kazinform халықаралық ақпараттық агенттігі жазды.
Қабірхан таңдаулы аттар арасындағы жарыста жеңістер сериясын сәтті жалғастырды. Оның қарсыластары өткен жылдың тәжірибелі жеңімпазы Мими Какуши мен Атлетико Эль Кулано, Клэптон, Фёрст Конститьюшен, Милитари Ло болды.
Бәйгеге әлемнің түкпір-түкпірінен ең жүйрік деген 12 тұлпар қатысты. Шабандоз Пэт Доббс мінген Қабірхан мәре сызығын бірінші болып кесіп, Бас жүлде – 1 миллион долларды жеңіп алды.
Бұған дейін 12 қаңтарда Дубайдағы әйгілі «Мейдан» ипподромында 2000 метр қашықтыққа шапқан Қабірхан жеңіске жеткен болатын.