RUS
SMARTNEWS басылымының хабарлауынша, Омар Жәлел экс-президент Нұрсұлтан Назарбаев туралы сөз қозғап, Barys Media арнасына сұхбат берген.
Абайтанушыға қойған «Назарбаев орнатқан жүйе қай жерден қателесті?» деген сауалға Омар Жәлел «коррупция» деп жауап берді.
«Коррупция. Оның түр-түрі болады екен. Экономикалық, саяси коррупция дегендей. Оның ең ауыры - саяси коррупция. Әзірбайжан сарапшысы Фикрет Шабанов бір журналиске берген сұхбатында «Қазақстанда саяси коррупция орнады» деген. Ол айтады, батыстың инвесторлары тәуелсіздік алған кезде Қазақстанға келіп «не біздің шартымызға көнесің, не биліктен кетесің» деген. Сонда біздің билік сол инвесторлардың шартын қабылдады.
Мемлекет басшысы өз орнын сақтау үшін коррупцияға барған адам. Назарбаевтың сол шешімінің ащы зардабын көріп отырмыз. Соны Тоқаев өзгертуге тырысып жатыр, бірақ оның тамыры терең, жою қиын»
Осылайша абайтанушы Назарбаев өз билігін сақтап қалу үшін коррупцияға барғанын, қазір Тоқаев оны өзгерткісі келсе де, 30 жыл бойы тамырлап кеткенін түсіну керек екенін айтты.
Сондай-ақ ол бұл мәселелерді неге бұрынырақта айтпағанын, «Саяси коррупцияны таңдаған елде тоталитарлы жүйе орнайды. Халық көтеріледі, халық белсенділері бас көтереді. Бірақ оның бәрін қағып тастап отырды» деп түсіндірді.