RUS
SMARTNEWS басылымының хабарлауынша, Нигериядан келген заңсыз келімсектердің тағы бір тобы үйлеріне қайтты.
Бұл жолы Алматының көші-қон қызметі Нигерияның 9 азаматын әуе көлігімен тасымалдауды ұйымдастырды.
«Бұлар Қазақстанда болу кезеңінде халықтың көші-қоны саласындағы заңнаманы бұзған, атап айтқанда, заңнамада белгіленген мерзімде Қазақстан Республикасының аумағынан шықпаған және соттың шешімімен мемлекетімізден шығару түріндегі әкімшілік жазаға тартылған шетелдіктер. Айта кетейік, бұл іс-шара бірнеше кезеңнен тұрады», - деді, Алматы қалалық ПД Көші-қон қызметі Басқармасының бастығы, полиция полковнигі Асхат Бутунчинов.
Бұған дейін, Қазақстан Республикасының көші-қон заңнамасын бұзғаны үшін ұсталған Африка құрлығы елдерінің 19 азаматы өз елдеріне қайтарылған болатын.