RUS
SMARTNEWS басылымының хабарлауынша, әнші Жазира Байырбекова ерекше педагогикалық әдіспен сабақ беретін түркістандық бастауыш сынып мұғалімінің бейнежазбасын қалдырып, ол туралы жүрекжарды жазба жазды.
Бейнежазбаны Түркістан облысы, Арыс қаласы, "4 бастауыш мектеп" КММ 1"А"-сынып оқушыларының мұғалімі Маржан Нұрланқызы түсірген. Бұл туралы әнші былай деп жазды:
«Оқушыларын ата-анасына, еліне, жеріне, қоғамға мейірімді болсын деген мақсатпен тәрбиелік мәні бар әндерді сабақтан соң немесе сабақтың алдында тыңдатады екен.
Енді менің әндерім балабақшада ғана емес мектептерде оқушыларға да пайдасы тиіп жатқанына қуаныштымын. Қолдайтындарыңыз жүрек қойыңыздар!», - деп жазды Жазира Байырбекова.
Мұғалімнің бұл әдісі көпшілікті тәнті етті.
«Мұғалімге де, сізге де, осындай мультфильмді шығарған адамға да мың алғыс», «Балаларды тәрбиелеудің ерекше әдісі екен», «Сіздің әндеріңізбен тәрбиеленген бала жаман болмас», «Жұмысына жанын салып балаларға үйретіп жатқан осындай ұстаздар айналасың ғой» деп жазды оқырмандар.