«Жеңісімнің бастамасы»: Айшолпан Тілеутай операциядан кейінгі өзгерісті айтты
Асқазанына екі рет операция жасалған айтыскер ақын Айшолпан Тілеутай желідегі парақшасында Ыстамбұлда 8 келіге арықтағанын айтты.
Айтуынша, Түркияға келгенде салмағы 135 келі болған.
«Қайырлы кеш, баршаңызға! Ыстамбұлға 135 келі болып келгенмін. Әне-міне дегенше – 8 келі тастаппын. Жеңілдеп қалдым», – деп жазған ақын.
Aikyn.kz хабарлауынша, сонымен қатар ол отадан кейін күніне бірнеше мың қадам жүретінін айтады.
«Теңіз жағасында күніне 10 мың қадам. Бұл қала менің жеңістерімнің бастамасы!», – деп жазған ақын.