RUS
SMARTNEWS басылымының хабарлауынша, Атыраулық Нұргүл Зиханова Бейбіт Қорғаннан балаcы бар екенін айтқан соң әнші ДНҚ тапсыруға мәжбүр болған. Бұл туралы «Астарлы ақиқат» бағдарламасының бұрынғы жүргізушісі Дина Төлепберген мәлімдеді.
«Астарлы ақиқатты» жүргізуді тоқтатсам да, бұл мәселе тұрақты бақылауымда. ДНҚ алу үшін ақыры оны сотқа сүйредік. Оның қан тапсыруға қалай келгенін көрсеңіз, шошисыз.
Құдды бір отадан шыққан Майкл Джексондай, «Маска» шоуы маңырап қалады. Ауыр диагноздағы бала жайлы бірдеңе айтар ма деп едік, ләм-мимсіз ұзатылып жатқандай артына қайырылмай кетті. Бізден қашса да, ақыры Атырауда заң аясында Бейбіт Қорған өз қанын тапсырды», – деді Дина Төлепберген.
Дина Төлепбергеннің айтуынша, нәтижесін сот бір айдан кейін жариялайды. Сондай-ақ журналист Бейбіт Қорғанның бұл ісі жайлы әрістертерінен пікір сұраған.
«Оның оған үйленбейтінін біле тұра қойнына кірдің ба, қолыңмен істедің ба, мойныңмен көтер. Ал туған екенсің, жақсы, талантты жігіттен, ол әйел өзі үшін туды. Тумауына да болар еді», - деді Жеңіс Ысқақова.
«Төрт-бес жылдан кейін келіп жала жабатындар көп қой», - деді Абай Бегей.
Осылайша Дина Төлепберген әнші Бейбіт Қорғанды ашық сұхбатқа шақырды.
«Осыдан 13 жыл бұрын әншінің еркелігін еске түсіріп, сұхбаттасқан едім. Сол сәтте Бейбіт «жаза баспаймын» деп, ант-су ішкен еді. Бейбіт Қорғанға айтарым: бізден қорғанып, қашқақтаудың қажеті жоқ. Менімен ашық сұхбатқа кел, ақиқатыңды айт. Бізге басқалардың емес, баланың болашағы маңызды», - деді Дина Төлепберген.