ТЖМ Алматы маңында тағы жер сілкінгенін мәлімдеді
Қазақстанның Сейсмологиялық бақылаулар және зерттеулер ұлттық ғылыми орталығы Алматының оңтүстік-шығысында кезекті дүмпулерді тіркеді.
SMARTNEWS басылымының хабарлауынша, жер сілкінісінің ошағы Алматыдан оңтүстік-шығысқа қарай 262 шақырым жерде Қытай аумағында орналасқан. Бұл туралы Aikyn.kz жазды.
Сейсмологтар оның афтер дүмпу екенін байқады.
Жер сілкінісінің энергетикалық класы – 11,9.
Магнитудасы - MPV 5.3.
Тереңдігі - 5 км.
Қабылдау мүмкіндігі туралы ақпарат (MSK-64 шкаласы бойынша): Қазақстан аумағында сезілу жоқ
"Бұл - біздің сейсмологтар кейінгі 2,5 тәулікте тіркеген алғашқы жер сілкінісі. Бұған дейінгі дүмпулер 1 ақпан күні сағат 01:21-де тіркелген. Жер сілкінісінің ошағы Алматыдан оңтүстік-шығысқа қарай 252 шақырым жерде Қытай аумағында орналасқан. Магнитудасы - 4,6 болды. Ол Қазақстанда сезілмеді", - делінген ТЖМ мәліметінде.
Материал авторы
