RUS
SMARTNEWS басылымының хабарлауынша, мәжіліс депутаты Дәулет Мұқаев Қазақстанда барлық салада жемқорлық қаупі барын, тұрғындар туғаннан өлгенге дейін пара беруге мәжбүр екенін ашына айтты. Бұл туралы Massaget.kz жазды.
Оның сөзінше, елімізде жемқорлық деңгейі әлі жоғары, тұрғындар мәселесін шешу үшін әлі пара беріп жүр.
"Жемқорлық барлық салада кездеседі. Бала дүние келгеннен бастап, адам қайтыс болғанға дейін пара беру мәжбүр. Сөздің ашығы керек. Құдай сақтасын, адам өлсе, Алматыдағы таудың, "Кеңсай" зиратының маңайы... Одан кейін бала дүниеге келгенде жақсы дәрігер, перзентхана керек деп тағы іздейді. Бұдан соң балабақша, мектеп бар. Бала университетке барады. Осыдан соң ол үйленіп, отбасы болады. Осы кезде оларға үй керек. Оны алу үшін үйдің кезегіне тұру қажет. Жұмысқа орналасады. Осы саланың бәрінде жемқорлық бар.
Әсіресе, маған Қызылорда облысы, Шымкент қаласының тұрғындары көп хат жазады. Мысалы, жай ғана еден жуушы болып, жұмысқа орналасу үшін 500 мың теңге, ал мұғалім болу үшін 1-1,5 млн теңге сұрайды екен. Ондай хаттар өте көп", - деді Дәулет Мұқаев Мәжілісте.