RUS
«Тосқауыл» операциясы кезінде 4 есірткі зертханасы жойылды. Полицейлер 13 кг «мефедрон» синтетикалық препаратын, сондай-ақ оларды өндіруге арналған реакторлар мен түрлі жабдықтарды тәркіледі. Заңсыз айналымнан 144 келіге жуық әр түрлі есірткі заттарын тапты. Оның ішінде 30 кг синтетика, 110 кг марихуана, 3 кг гашиш және 800 грамм трамадол бар», - деді Ішкі істер министрлігі Есірткіге қарсы іс-қимыл департаменті бастығының орынбасары Бақытжан Әмірханов ведомствода өткен брифингіде.
Сондай-ақ, спикер есірткімен күрес жұмыстары жалғасып жатқанын айтты.
«Есірткіге қарсы іс-шараларға ішкі істер органдары мен Ұлттық ұланның жеке құрамы, әкімдіктердің қызметкерлері, денсаулық сақтау және білім беру саласының өкілдері, жастар саясатының жетекшілері, үкіметтік емес сектор және еріктілер жұмылдырылды», - дейді ол.
Айта кетейік, Ішкі істер министрлігі 5-9 ақпан аралығында ел ішінде «Тосқауыл» жедел-профилактикалық іс-шарасы өткізді.