Абай университетінде Hi-Tech Minor бағдарламасы енгізілді

Бұл бағдарлама әртүрлі салаларда заманауи және озық технологияларды оқытуға бағытталған.

Minor бағдарламасы аясында студенттер «Желілік технологиялар және заттар интернеті (IoT)», «Жасанды интеллект технологиясы мен әдістері», «Иммерсивті технологиялар», «GameDev негіздері» секілді пәндердің мазмұнымен танысады.

Пәндердің мазмұнын Coursera платформасында әзірленген курстармен үйлестіруді негізге ала отырып, Математика, физика және информатика институты информатика және білімді ақпараттандыру кафедрасының профессорлары әзірлеген.

Сондай-ақ, 2023-2024 оқу жылында «Ақпараттық жүйелер» білім беру бағдарламасында «Жасанды интеллект жүйелері» элективті пәні оқытылып жатыр.

Жаңа 2024-2025 оқу жылынан бастап Абай университетінің барлық білім беру бағдарламаларына «Жасанды интеллект негіздері» пәні енгізіледі.