RUS
SMARTNEWS басылымының хабарлауынша, Ресейлік БАҚ-та бүгін ғана өмірден өткен Алексей Навальныйдың соңғы бейнежазбасы тарады.
«За нами уже выехали» телеграм-арнасының мәліметінше, бұл видео кеше өткен сот отырысында түсірілген.
Видеодан Алексей Навальныйдың көңілді әрі сергек екені байқалады.
Еске сала кетсек, ресейлік оппозиция өкілі Алексей Навальный колонияда өмірден өтті. Навальный жазасын өтеп жатқан Ямало-Ненецк автономиялық округі бойынша Федералдық қылмыстық атқару қызметінің департаментінің хабарлауынша, Навальный колонияда қаны ұйып көз жұмған.
"Сотталған Навальный А.А. серуендегеннен кейін бірден есінен танып, өзін нашар сезінді.
Мекеменің медицина қызметкерлері дереу келіп, жедел медициналық жәрдем бригадасы шақырылды.
Барлық қажетті реанимациялық іс-шаралар өткізілді, олар оң нәтиже бермеді. Жедел медициналық көмек дәрігерлері сотталушының қайтыс болғанын айтты", - делінген хабарламада.
Саясаткердің өліміне қатысты басқа да мән-жайлар анықталып жатыр.