RUS
SMARTNEWS басылымының хабарлауынша, Сыртқы істер министрлігі Таиландта құлдықта болған екі қыздың аман-есен құтқарылғанын хабарлады. Бұл туралы КТК арнасы жазды.
Құлдықтағы қыздар құтқарылғанмен, одан құтыла алмай жүргендер көп.
Министрліктің дерегінше, қазіргі таңда Оңтүстік Шығыс Азия елдерінде 100-ге жуық қазақстандықтар құлдықта жүр. Соңғы екі жылда Таиландпен шекаралас орналасқан Мьянма, Лаоста 200-ге жуық отандасымыз тәнін саудалауға, еркінен тыс қара жұмысқа жегілген.
Сол жақтағы дипломаттарымыздың көмегімен Мьянма мен Лоас аумағынан 28 қазақстандық шығарылған. Тағы 60-қа жуық отандасымыз елшілікке жүгінбей, өз күшімен елге оралған.
Айбек Смадияров, ҚР СІМ ресми өкілі: — Қаңтардың соңында Таиландағы консулдыққа «Мен Қазақстанның азаматымын, джунглидің ішіндемін, қай мемлекет екенін білмеймін... Жұмыс бабымен құлдыққа түсіп қалдым, көмектесіңіздер» деген хабарлама түсті. Сөйтсек, біздің екі азаматымыз алданып, «алтын үшбұрышта» құлдыққа түсіп қалған. Қызығы, екеуінің де жоғары білімі бар, бірнеше тіл біледі. Олар интернеттегі хабарламаны көріп Таиландқа барған ғой, жұмыс істеуге. Әр адамның басына 10 мың доллардан ақша сұраған. Жергілікті билікпен қосылып екі қызды құтқардық. Қазір Қазақстанға ұшақпен ұшып келе жатыр.