Қажетті дәрігерге тікелей қаралу қолға алынбақ

SMARTNEWS басылымының хабарлауынша, кеңейтілген алқа отырысында ведомство басшысы Ақмарал Әлназарова осылай деді.

«Ең басты арыз-шағымның бірі – бұл тиісті мамандарға жалпы дәрігердің жолдамасын алмай, қызмет ала алмауы. Осыған байланысты тиісті сараптама жұмыстарын жүргізіп жатырмыз. Науқастардың кабинеттен кабинетке жұмысын көбейте бермей, оптимицазия жасау қолға алынады. Бұл 1 наурыздан бастап енгізіледі»,- деді Денсаулық сақтау министрі.

Кадр мәселесі де айтылды. Елімізде 4,5 мыңнан астам дәрігер жетістпейді. Ең қажетті мамандардың мәселесін шешу үшін оларға жақсы жағдай жасау мәселесі қарастырылмақ.

Одан бөлек, мемлекеттен бөлінген қаражатқа көп мөлшерде қажетсіз дәрі-дәрмек алынса, бұл үшін жауаптылар құзырлы орган алдында жауап беретін болады.