RUS
SMARTNEWS басылымының хабарлауынша, Астанадағы тұрғын үй кешендерінің бірінде есірткі жасырып жүргендер видеоға түсіп қалды. Бұл туралы EL.kz ақпарат агенттігі жазды.
Атап айтқанда, «Времена года. Весна-2» тұрғын үй кешенінің 14-қабатында біреулер есірткі сақтайтын қойма ұйымдастырып алғаны жөнінде Tengrinews.kz-ке хабарлама келген. Оқиға бейнебақылау камерасына түсіп қалған.
Астана Полиция департаменті күдіктілер іздестіріліп жатқанын айтты.
Елордалық полицейлер «Времена Года» тұрғын үй кешені тұрғындарының арызы бойынша қылмыстық іс қозғады. Оған қатысы бар адамдарды анықтау мақсатында жедел-іздестіру шаралары жүргізіліп жатыр. Нәтижесі бойынша құқықтық баға берілетіні айтылды.