RUS
SMARTNEWS басылымының хабарлауынша, Samsung Electronics компаниясы саладағы "ең жоғары сыйымдылыққа" ие чип жасап шыққанын айтты. Өндірушілер HBM3E 12H өнімділігі мен сыйымдылығын 50%-дан да асып түсетінін мәлімдеді.
"Өнеркәсіптік жасанды интеллект қызметтерін жеткізушілерге сыйымдылығы жоғары HBM қажет. Ал біздің жаңа HBM3E 12H өнімі осы қажеттілікті қанағаттандыру үшін әзірленген.
Бұл жаңа жад шешімі жоғары өнімді HBM үшін негізгі технологияларды әзірлеуге және жасанды интеллект дәуірінде жоғары өнімді HBM нарығында технологиялық көшбасшылықты қамтамасыз етуге деген ұмтылысымыздың бөлігі ғана", — деді Samsung Electronics компаниясының жад өнімдерін жоспарлау жөніндегі Атқарушы вице — президенті Йонгчеол Бэ.
Samsung Electronics — смартфондар мен компьютерлер сияқты тұтынушылық құрылғыларда қолданылатын әлемдегі ең ірі динамикалық жедел жад чиптерін өндіруші. OpenAI-дың ChatGPT сияқты генеративті AI модельдері жоғары сапалы жад микросхемаларын қажет етеді. Мұндай чиптер генеративті жасанды интеллект модельдеріне өткен қандай да бір мәтіндердің егжей-тегжей детальдары мен адам сияқты жауаптар жасау үшін пайдаланушылардың қалауын есте сақтауға мүмкіндік береді.