25 сағатқа созылған ең ұзақ тәулікте елде 800-ден астам сәби өмірге келген

SMARTNEWS басылымының хабарлауынша, Қазақстанда уақыт белдеуі өзгерген күні 803 сәби дүниеге келді. Оның ішінде екі егіз, 392 ұл және 411 қыз бар. 

Денсаулық сақтау министрлігі мәліметінше, 29 ақпан күнгі тәуліктік туу бойынша ерекше көшбасшы Түркістан облысы болған — онда 118 бала дүниеге келді. Алматыда 81 нәресте және елордада 79 сәби өмірге келген.

2024 жылғы қыстың ең ұзақ соңғы күнінде туған сәбилерді құттықтаймыз, оларға зор денсаулық және бақытты болашақ тілейміз!, - деп жазды Денсаулық сақтау министрлігінің баспасөз қызметі.