RUS
SMARTNEWS басылымының хабарлауынша, Семейде ер адам кішкентай қызды аңдып, оны құтқармақ болған полицейге үш рет пышақ сұққан.
29 ақпанда полицейлерге 13 жасар қызды белгісіз ер адам аңдып жүргені туралы хабарлама түскен. Бала 102 операторына дүкенде күтіп тұрғанын, сыртқа шығуға қорқатынын айтып, қоңырау шалған.
Жергілікті полиция қызметкерлері оқиға орнына барып, күдіктіні байқап, мән-жайды анықтауға тырысты. Алайда қолына пышақ ұстаған жігіт тәртіп сақшыларына шабуылдай бастаған.
"Полиция қызметкерлері ер адамның дүкеннен әрі алып кету керек екенін түсінді, өйткені ол жолда тұрғындарға шабуылдауы мүмкін еді. Агрессивті ер адамның назарын аударып, полиция қосымша күштерді сұрады, оқиға орнына дереу патрульдік полиция бригадасы келді. ", – делінген хабарламада.
Пышақ ұстаған ер адам патрульші Асхат Ахатовқа шабуыл жасап, оны жарақаттаған. Полицей қоян-қолтық ұрыс дағдыларын қолданып, әріптестерімен бірге қаскөйдің пышағын тартып алды.
Полицей басынан үш жарақат алып, ауруханаға жеткізілді.
Күдікті уақытша ұстау изоляторына қамалды. Оның үстінен полиция қызметкерінің өміріне қастандық жасау фактісі бойынша қылмыстық іс қозғалды.