Ақтауда көшенің қақ ортасында көлік өртеніп кетті

SMARTNEWS.KZ басылымының хабарлауынша, Ақтаудағы индустриялық аймақ маңындағы жолдардың бірінде Volkswagen Golf көлігі өртеніп кетті.

Әлеуметтік желідегі парақшаның жазуынша, оқиға 8 наурыз күні шамамен сағат 13:50-де болған.

Төтенше жағдайлар департаментінің мәліметінше, оқиғадан зардап шеккендер жоқ. Оқиға орнына өрт сөндіру қызметінің алты қызметкері барып, артында өрт сөндірілген.

Оқиғаға қатысты желі қолданушылары түрлі пікір білдірді. Көпшілік бейнежазбаны таратқандардың өртті өшірмегеніне ашулы.

«Газ құйып жүрген көліктер, газ жүйесін сақтық үшін өздеріңіз тексерулеріңіз керек. Соңғы уақытта қатарынан қанша көлік жанып кетті», «Неге ешкім көмектеспей өтіп кетіп жатыр? Ішінде адам жатса да бәрібір ме сендерге?», «Қаншама машина өтіп жатыр. Көмектеспейсіңдер ме? Бастарыңа келеді деп ойламайсыз ба? Масқара, тек телефонға түсіргенше көмектеспейсің ба?», - деп ашуланды жұрт.