Суретке түсу құны 48 мың теңге: «Слово пацан» сериалының жұлдызы қазақстандық жанкүйерлерімен ақылы кездесу өткізбек

SMARTNEWS.KZ басылымының хабарлауынша, Рузиль Минекаев Қазақстанда фан-кездесу ұйымдастырып, кештің билеттерін сата бастаған. 

Kp.ru мәліметінше, актермен кездесіп, тілдесу құны 5200 рубль немесе 25 500 теңге шамасында. Ал фотоға түсу үшін ұйымдастырушылар 9800 рубль немесе 48 200 теңге талап еткен. 

Басылым дерегіне сәйкес Алматыдағы фан-кездесу 3 сағатқа созылады. 

Айта кетейік, "Слово пацана" сериалында 1980 жылдардың аяғындағы Қазан қаласындағы (Ресей) жастардың өмірі көрсетіледі. Оқиға 14 жастағы Андрей есімді баланың жасөспірімдерден тұратын "Универсам" бандасына кіруіне басталады.