RUS
SMARTNEWS.KZ басылымының хабарлауынша, әнші қазір мемлекеттік қызметте жүргенін "ХабарLike" бағдарламасында айтты. Бұл туралы Aikyn.kz жазды.
Ол қазір өнердің ортасынан ұзамағанын да жеткізді. Алматы қаласында "Алматы әуендері" ұжымында жұмыс істейді екен.
"Мемлекеттік қызметтемін. Өнерді бала кезден бастадым. 1998 жылы сахнаға шығып бастадым. 2001 жылға дейін "Бауыржан шоу" театрында әнші, актер болдым. 2001 жылы "Музарт" тобын құрдым. Топтың аты 6 айға дейін қойылмады. Үштік болдық. Ең алғаш "Сенің көзің" деген әнді жаздырдық. Арамызда Мейрамбек Бесбаев көшбасшы болды. Онымен бірге ән айтқаныма бақыттымын. Жігіттермен әлі күнге араласамыз. Бет жыртысып кетпедік. Қандай қуаныш, қайғы болмасын - біргеміз. Байланыстамыз", - деді Мақсат Базарбаев.