«Шұрып бұрай алмаймын»: әнші Тоқтар Серіков өнерде жүріп, «ақсаусаққа» айналғанын айтты

SMARTNEWS.KZ басылымының хабарлауынша, Тоқтар Серіков балаларының өнерге келген қаламайтынын айтты.

"Балаларымның өнерге барғанын қаламаймын. Себебі, өз басымда болған жағдайды айтайын. Өнерді қуамын деп, қара жұмысқа "ақсаусақ" боп қалдым. Жасыратыны жоқ, үйде тоқ бұзылса, жалғай алмаймын. Орындықтың аяғы түсіп қалса, соның шұрыпын бұрай алмаймын. Қолжуғыштың суы ақпай қалса, жөндейтін адам шақырасың. Бауырларыңды шақыртасың. Осының бәрі өзім жіті қарамағанның кесірі.

Қазір балаларым үйренсін деймін. Ертең олар да үй болады. Мен сияқты бір отбасыны алып кетсе, жақсы ғой", - деді Тоқтар Серіков.

Еске сала кетейік, осыған дейін Тоқтар Серіков өмірден өткен анасын әлі күнге сағынатыны жайлы айтқан болатын.