RUS
SMARTNEWS.KZ басылымының хабарлауынша, өнер иесі солтүстік өңірлердің аудан-ауылдарын аралап, концерт қойып жүр.
“Қостанайлықтар, концерт керемет өтті. Келген көрерменге алғыс айтамын. Әсіресе ақ рояль маған қатты ұнады. Бірақ өңірдегі бір бастық, мәдениет басшысы концертке келмеді. Бізге бір кесе шай да бермеді. Қостанай жұртшылығына ризамын! Бірақ бастықтарыңды алып тастаңдар!”, – деді өнер иесі.
Желі қолданушылары түрлі пікір жаудырып, өңірді орыстанып кеткен, қонақжайлықтан алыс деп айыптады.
“Бастықтардың тірлігі ұят болған екен”, “Домбыраңызбен артынып-тартынып келіп едіңіз”, “Ауызашар уақытымен сәйкес келді, концертке бара алмадық”, “Осы күнге дейін жас әншілерді керемет күтіп еді, сіздей халық әртісін күтпей қалуы мүмкін емес”, “Әртіс келгенде әкімнің өзі күтіп алатын жөні бар” деп жазып жатыр оқырман қауым.
Еске салайық, халық әртісі домбырасын бордқа кіргізбеген әуекомпаниясына шүйлігіп еді.