RUS
SMARTNEWS.KZ басылымының хабарлауынша, танымал әнші, «Жігіттер» тобының мүшесі Бағлан Әбдірайымов анасы үшін рейстен қалғанын айтып берді.
«Әкем кеткелі анамның еңсесі қатты түсіп кетті. Бала-шағасы бар, шүкір ғой. Арқасүйер ер азаматысыз өмір сүрү қиын ғой. Біз түсіне бермейтін шығармыз. Кішкене ем алуға жатқан екен. Ұшақтан қалып, жағдайын сұрап қайттым. Ағарып, реңі жақсарып қалыпты, қуанып қайттым. Сіз аман болыңыз, АНАШЫМ! Әкеммен бірге армандаған армандарым орындалып жатса, куәсі сіз болыңыз!», - деп жазды әнші.
Әншінің жан тебірентер жазбасына оқырмандары жылы лебіздерін білдірді.
«Аман болсын анаңыз!», «Анамызға Алла күш-қуат берсін! Енді әулетіңізде тек қуаныш, жақсылық болсын!», «Көп адамдар қайғысымен бөліспей, іштен тынады. Жыл деген бекер емес қой, бір жылға дейін жылап, еске алып, бөлісетін адамдар болу керек қасында. Мұндай жағдайда қайғыру орынды», - деп жазды әншінің оқырмандары.
Бұған дейін әнші әкесінің соңғы хатын жария еткенін жазған едік.