Қостанай облысында су басқан елді мекендерден 150 адам құтқарылды
ҚР ТЖМ Республикалық жедел штабының үйлестіруімен Жаңақала, Екіді, Аққысы, Қызылжұлдыз ауылдарында және Қостанай облысының 9 қыстағында тұрғындарды эвакуациялау бойынша құтқару операциясы жүргізілді.
Аталған шара Қорғаныс министрлігінің әуекемелерінің көмегімен жүзеге асырылды.
Осылайша, жалпы саны 150-ден астам жергілікті азамат құтқарылды. Олардың 63-і – кәмелетке толмағандар.
Тікұшақтардағы адамдар Арқалық қаласының эвакуациялық пункттеріне жеткізілді.