RUS
SMARTNEWS.KZ басылымының хабарлауынша, қазақ эстрадасының жарық жұлдызы Мадина Сәдуақасова тығыз жұмыс кестесінен уақыт тауып, арнайы ата-анасын шетелге демалысқа алып кетті.
Мадина Сәдуақасова бұл сапар өзі үшін аса ерекше екенін алға тартты. Себебі әнші бұл жолы өз жанұясымен емес, ата-анасымен бірге шетелге аттанған.
Өнер иесі Алматы әуежайынан фото мен видео жариялап, елді қызықтырып қойды. Сәдуақасова бастапқыда қай елге ұшып бара жатқанын құпия ретінде сақтап қалды.
"Ата-анам бұл елге алғаш рет бара жатыр", - деп айтты әнші.
Сурет: Әншінің жеке парақшасынан
Алайда артынан оқырмандарына Таиландқа жол тартқанын айтты.
"Аман-есен жеттік. Сәлем, Тай. Қазақтарды қарсы ал. Бұл ел ата-анама ұнау керек", - деп жазды Мадина Сәдуақасова.
Эстрада жұлдызы оқырмандарына желіде асқан белсенділік танытып, демалысы қалай өтіп жатқанын көрсетуге уәде етті.