RUS
SMARTNEWS.KZ басылымының хабарлауынша, ШҚО әкімінің орынбасары Бақытжан Байахметов пен Төтенше жағдайлар департаментінің бастығы Ерғали Бахаев бастаған жұмыс тобы облыстың Күршім, Ұлан және Марқакөл аудандарында бөгеттер мен өзендерін әуеден барлады.
Ұлан ауданының кіші бөгеттерінде су төгу жұмыстары жүргізіліп жатқандықтан өзендердегі су деңгейі көтерілуі ықтимал. Қазіргі уақытта мамандар бөгеттерге тексеру жүргізуде, елді мекендерді су басу қаупі байқалмайды.
Одан әрі жұмыс тобы Күршім ауданына дейінгі аралықты әуеден барлады. Боран ауылындағы Қара Ертіс өзенінде су басу қаупі жоқ.
Әуеден барлау жүргізілген аудандарда су басу қаупі байқалмайды, жағдай тұрақты.