Шымкентте атыс болды: зардап шеккендер бар
Шымкентте қаланың қақ ортасында атыс болды.
Otyrar.kz порталының хабарлауынша, оқиға бүгін, 2 сәуір күні түскі сағат 12.00 шамасында болған.
«Белгісіз біреулер жігітке травматикалық қарудан оқ атқан. Оқиға Шевченко көшесінде болды», – делінген хабарламада.
Зардап шеккен жігіттің көршілерінің айтуынша, атыс болған үйде үнемі айқай-шу болатын көрінеді.
Қазіргі уақытта полиция мен тергеушілер оқиға орнында тергеумен айналысып жатыр.