«Тірі дейін десем – үйде жоқ, өлі дейін десем – бейіт басы жоқ»: құтқарушының әйелі жанайқайын айтты

03.04.2024, 14:59
1027
«Тірі дейін десем – үйде жоқ, өлі дейін десем – бейіт басы жоқ»: құтқарушының әйелі жанайқайын айтты Бейнежазбадан

Майқайың кенішінде құлаған автобуста қалған екі адамның туыстары көмек сұрап, Астанаға келді.

Апаттың болғанына үш айға жуықтаса да, құтқарушы мен автобус жүргізушісінің мәйіті әлі табылған жоқ. Ал іздеу жұмыстары тоқтап тұр. Марқұмның жақындары құтқару жұмыстарын жалғастыруды талап етіп жатыр. Олар Павлодар облысының әкімдігі мен жергілікті прокуратурадан күдер үзіп, енді іске Президенттің араласуын сұрап отыр. Бұл туралы КТК телеарнасы хабарлады.

Құтқарушы Айдос Шәймерденнің әйелі Астанаға шиттей бала-шағасын ертіп келген. «Асыраушымнан айырылдым, бес баламды енді кім асырайды?» деп отыр. «Жұбайымның мәйітін тауып берсе, ғұрыпқа сай жерлесек» дейді.

Нұрсұлу Шәймерден Павлодарда іздеу жұмыстарын жалғастыруды сұрап, әкімдік пен прокуратураның табалдырығын тоздырған. Еш шара қалмаған соң, Үкіметтен, Бас прокуратурадан көмек сұрап отыр. 

«Бізді еститін пенде жоқ. Кішкентай балаларымды алып, Астананың төріне келіп отырмын, «Алып берсе екен, шығарып берсе екен» деймін. Тірі емес екеніне көндік қой, тірі дейін десем – үйде жоқ, өлі дейін десем – бейіт басы жоқ», – дейді құтқарушының әйелі Нұрсұлу Шәймерден.

Топырақ астында қалған екі адам әлі күнге дейін апаттан құтқару қызметінің жұмысшылары ретінде есептеліп, оларға ай сайын жалақы төленіп отыр екен. Мәйіт табылмағандықтан, қайтыс болғаны туралы куәлік те жоқ. Сол себепті екі отбасыға өтемақы төленбеген, асыраушысынан айырылған отбасы ретінде жәрдемақы да ала алмайды. Автобус жүргізушісі Айып Тілеубергеновтің жақындары істің созылып кеткеніне наразы.

«Төрт кісінің өліміне комбинат жауап бергісі келмей, ағамыздың жұмыс орны, құтқарушылармен соттасайын деп жатыр, соларды кінәлі қылғысы келіп жатыр. Жер солардікі, ойылып кеткен жер солардың қателіктерінен, салғырттығынан болды, оны мойындағысы келіп тұрған жоқ. «Біздің кінәміз жоқ» дейді", –  дейді автобус жүргізушісінің туысы Амангелді Тілеубергенов.

Төтенше жағдайлар министрлігі де іздеу жұмыстары қашан жалғасатынын айта алмай отыр. Қазба жұмысының тоқтағанына бір ай өтсе де, сараптама жасалмаған.

«Екі жақ сараптама жүргізіп, құтқарушылар үшін қазба жұмыстары қаншалықты қауіпсіз екені туралы шешім қабылдауға тиіс. Сарапшылар қауіп жоқ деп шешсе, әрине, іздеу жұмыстары қайта жанданады», –  дейді Төтенше жағдайлар вице-министрі Бауыржан Сыздықов.

Индустрия министрі кен орнында өндірістік қауіпсіздікке қаржы аз бөлінетінін мойындады. «Бұл жағдайды Павлодар әкімімен талқыладық, инвесторға қатысты нақты шешімдер қабылдаймыз», –  деді Шарлапаев.

«Бұған дейін істегеніміздей, акционермен тікелей диалог құрмақпыз. Ол кеніштегі өндірістік қауіпсіздік пен кен орнын игеруді өз мойнына алады немесе нақты осы инвестордың жер қойнауын пайдалану құқығы мәселесін қайта қарайтын боламыз. Бір шешімге келеміз», –  деді Өнеркәсіп және құрылыс министрі Қанат Шарлапаев.

«Бар болғаны 85 шаршы метр»: Мәдина Сәдуақасова Алматының ең қымбат ауданынан қымбат пәтер сатып алғанын айтты Дариға Назарбаева Дубай әуежайында жүр «Жағдайын көре тұра, көмектеспеген»: 25 жастағы жүкті әйелдің өліміне кінәлі аурухана дәрігерлері жазасын алды Елімізде әрбір бесінші әйел қатерлі ісіктен қайтыс болады Алматыда жүк көлігі 7 жасар қызды басып өлтірді (ВИДЕО) «Біреуі домбыраны харам дейді, біреуі туды қорлайды» – депутат Ермұрат Бәпи Абай облысындағы мектеп директоры мұғалімдеріне сарай мен монша салдырған Forbes әлемдік рейтиңінде қанша Қазақстан миллиардері жүргені анықталды Таиландта жұмыс істейтін Қазақстан азаматы жантүршігерлік жол апатынан қаза болды «Тіктіріп үлгермей жатырмын»: Гүлзира Айдарбекова ұлының сахнада костюмін сыйлап жібере беретінін айтты «Түнімен тігіп едім»: Түркиядағы митингке байланысты Динара Сәтжанның той көйлегі жете алмай қалды Астанада әкімдік жанындағы саябақтан Назарбаевтың суреттері алып тасталды «Күйеуге шыққанда қоямын»: Назым Қызайбай тұрмыс құрғасын боксты қоятынын айтты Екі жақты татуластыруға тыраштанып жүрген Трамп Ресей мен Украина президенттерінен көңілі қалғанын айтты Елімізде алдағы күндері ауа райы +35 градусқа дейін ыстық болмақ Forte Kulanshi Art Space: Астаналық арт-ортаның жаңа белесі Словения президенті Димаштың жанкүйері болып шықты «Qoslike» бағдарламасының жүргізушісі ұзатуында өзіне тілек айтып, халықтан сөз естіді (ВИДЕО) Енді жеке куәлікті онлайн алуға болады «Chanel, Dolce & Gabbana және Prada»: Тұрсынбек Қабатовтың әйелі туған күніне келген сыйлықтарды көрсетті