RUS
SmartNews сайтының хабарлауынша, прокурорлар 30 қараша күні «Алматы Хостел» ғимаратындағы өрт оқиғасына байланысты сотқа дейінгі тергеп-тексеру бастады. Тергеу ҚР Қылмыстық Кодексінің 292-бабының 3-бөлігімен (абайсызда екі не одан да көп адамның өліміне әкеп соқтырған өрт қауіпсіздігі ережелерін бұзу) бойынша іс қозғалмақ.
Аталған қылмыс бойынша Бас Прокурордың тапсырмасына сәйкес қылмыстық іс арнайы прокурорлармен қатар, ведомствоаралық жедел-тергеу тобы құрылған.
Қазіргі уақытта өрттің шығу себебін анықтау үшін оқиға орнына қарап-тексеру жүргізіліп, сараптамалар тағайындалып, өзге де жедел-тергеу іс шаралары ұйымдастырылып жатыр.
Бас прокуратураның дерегінше, сол күні осы қылмысты жасады деген күдікпен хостелді жалға беруші Мухамедъяров А. прокурорлармен ұсталып, уақытша ұстау изоляторына қамалған.
Тергеу аясында хостелдің қызмет көрсетуіне қатысы болған барлық тұлғалардың әрекетіне құқықтық баға беріледі, - делінген прокуратура хабарламасында.
Қылмыстық іс тергеуі Бас Прокурордың бақылауында.