RUS
Ұлттық экономика министрі Әлібек Қуантыровтың айтуынша, 6295 ауылдық елді мекеннің ішінде ауыл тұрғындарының 93%-ын құрайтын даму әлеуеті жоғары 3,5 мың ауыл анықталған. Сол аймақтарды «Ауыл – ел бесігі» жобасы арқылы көркейту жоспарланған. Ал биыл жобаны жүзеге асыру үшін бюджеттен 198,2 млрд теңге бөлінген.
Премьер-министр бюджет қаражатын тиімсіз жоспарлап пайдалану, тендерлерді уақытында өткізбеу, тиісті бақылаудың болмауы объектілерді енгізу мерзімдерінің бұзылуына әкелетінін ескертті.
«Өңірлерде қаражатты тиімді пайдалану өте маңызды. Бір ауданда бірнеше жоба іске асырылып, басқа ауданда бірде-бір жоба жүзеге асырылмайтын жағдайлар болмауы керек», - дейді Премьер-министр.
Отырыста биыл 800 елді мекенде шамамен 2 мың жоба жүзеге асырылмақ.
Отырысты қорытындылай келе, Үкімет басшысы ауылды дамыту үшін жеке инвестицияларды тарту жұмысын жеделдетуді, сондай-ақ Ұлттық экономика министрлігі, мем.органдары, облыс әкімдіктері ауылдарды дамыту тұжырымдамасын қамтамасыз етуді сеніп тапсырды.