RUS
SMARTNEWS.KZ басылымының хабарлауынша, Әйгерім Сәттібаева Таиландта өтіп жатқан чемпионаттың жартылай финалына жолдама алды.
Ұлттық құрама сапына енгендердің қатарында Әйгерім Сәттібаева да болған еді. Ұзақ уақыт үзілістен кейін ұлттық құрамаға оралған Әйгерім Таиландтың Чиангмай қаласында өтіп жатқан Азия чемпионатының жартылай финалына шыққан.
33 жастағы отандасымыз ширек финалда Филиппиннің жас спортшысы Магно Офелиядан басым түсті. Енді отандасымыз 7 желтоқсан күні жартылай финалда өзбекстандық Фарзона Фозиловамен өзара мықтыны анықтайды.
Бұған дейін ол 2010 жылы Астана төрінде өткен Азия чемпионатында 51 келіде қола жүлдегер атанған. Жақында Қарағандыда өткен «Мықтылар турниріне» қатысып, чемпион атағын иеленген. Әйгерім Сәттібаева – 5 баланың анасы. Сондай-ақ ол бокстан Рио Олимпиадасының қатысушысы, Азия чемпионы Олжас Сәттібаевтың жұбайы.