«Буынсыз адам» деп танылған Айдос Тоқтарбайдың мезгілсіз өліміне не себеп болғаны белгілі болды (ВИДЕО)

SMARTNEWS.KZ басылымының хабарлауынша, ел арасында “буынсыз адам” атанған цирк әртісі Айдос Тоқтарбай дүниеден өтті. 

Белгілі жазушы Бейбіт Сарыбай марқұмның неден көз жұмғанын айтты. 

“Цирк өнерінде қайталанбас трюктер жасап жүретін Айдос Тоқтарбай құрдасым өмірден озыпты. Өкінішті. Көрген адамның өзі қорқып отыратын қорқынышты трюк ажалына себепкер болыпты. Ақкөңіл, аңқылдаған қайран дос. Сен де көштің бе бұл жалғаннан?! Жаның жәннатта болсын, мейірімі шексіз Алла алдыңнан жарылқасын. Көрмеген көшеңнен қорықпа, бабаларың кеткен жақ. Туыстарына көңіл айтамын”, – деді әдебиет өкілі. 

Сондай-ақ желіде марқұмның соңғы бейнежазбасы тарады. Ол тойда қылышпен жасайтын трюк кезінде ағзасына зақым келтіріп алған. Бейнежазбаны Бақытгүл Кәкей есімді әлеуметтік желі қолданушысы бөліскен.

«Көрдің бе тамақты? Кеше тойда кесіп алдым, қылыштың ұшымен. Қан түкіріп жатырмын кәдімгідей. Температурам көтеріліп тұр», — дейді марқұм бейнежазбада.

Еске салайық, бұған дейін цирк әртісі «Астарлы ақиқат» бағдарламасына келіп, немен айналысып жүргенін айтқан болатын.

«Пандемия кезінде ауылға барып мал бақтым. Кейін түрлі жобаларға қатыстым. Өзбекстан мен Қытайға барып, өнер көрсеттім. Кейін аяғым мен белімнен жарақат алып, біраз уақыт өнерден қол үзіп қалдым, – деді ол.