SMARTNEWS.KZ басылымының хабарлауынша, әлеуметтік желіде марқұм Шерзат Болаттың отбасы жалға алған “Қамажай” дүкенінің алдында болған қайғылы жағдай кезіндегі видео тарады. Оқиға орнында күдіктілерден бөлек тағы екі әйел болған. Ішкі істер министрлігі екі әйелдің оқиғаға еш қатысы жоғын айтты. Бұл туралы Stan.kz жазды.
Марқұм 16 жастағы Шерзат Болаттың отбасы оқиға орнында болған екі әйелді қамауға алуды талап еткен еді. Олар4 қазан күні “Қамажай” дүкеніне күдіктілермен бірге келген.
Жәбірленуші тараптың айтуынша, ол екеуінің қолында да пышақ болған. Сондай-ақ екеуі Шерзаттың әкесі Қаржаубай Нұрымовты дүкеннен шығармай, ұстап тұрған.
“Видеодан екі әйелдің біреуі ер адамдарды ажыратып, олардың бірін шекте алып кеткенін көруге болады. Сондай-ақ видеодан көргеніміздей, екі әйелдің тарапынан ешқандай белсенді әрекет болмады”, – деп мәлімдеді Ішкі істер министрінің бірінші орынбасары Бауыржан Әленов.