RUS
SMARTNEWS.KZ басылымының хабарлауынша, Елдос Сметов қарсыласын жарыс жолынан шығарды.
60 кг салмақ дәрежесінде сынға түсіп жатқан Елдос Сметов 1/16 финалда Нидерланд спортшысы Торнике Цякадоеамен белдесті. Екі дзюдошы негізгі уақытта өзара мықтыны анықтай алмады. Ал қосымша уақытта Елдос қарсыласының үш рет ескерту алуына байланысты жеңіс жетті.
Екінші айналымда украин Дильшот Халматовқа қарсы күресте жеңді. Ал Олимпиада ойындарының ширек финалында тайпейлік Ян Юнвэймен қарсыласып, айқын жеңіске жетті.
Жартылай финалда Елдос Сметов испан дзюдошысы Франсиско Гарригоспен белдесті. Испан спортшысын Елдос қосымша уақытта иппон арқылы ұпай жинап, сұлатып түсірді.
Енді ол финалда жергілікті спортшы француз Лука Мхейдземен белдеседі.
Айта кетейік, 32 жастағы Елдос Сметов үшінші рет Олимпиадаға қатысып жатыр. Ол Рио-2016 бәсекесінде күміс, Токио-2020 додасында қола медаль еншілеген еді. Сметов маусымда үш қазақстандық дзюдошының арасында өткен іріктеу белдесулерінде жеңіске жетіп, Париж Олимпиадасына жолдама алған болатын.