RUS
SMARTNEWS.KZ басылымының хабарлауынша, Роза Әшірбаеваның «Kozqaras» подкасында отбасылық психолог Ержан Мырзабаев отбасылық өмірдегі проблемалар туралы сөз етті.
Подкаста отбасылық мәселелер мен оларды шешу жолы талқыланды. Психолог Ержан Мырзабаев ең көп тараған отбасылық проблема – көзге шөп салу екенін айтты.
«Маған әртүрлі жастағы адамдар әртүрлі мәселемен келеді. Ең көп тараған мәселе, ең үлкен проблема, проблема түгілі пандемия айту керек. Ол – көзге шөп салу. Жаңадан үйленген отбасы да, жасы 50-ге, 60-қа келген ер адам да әйелінің көзіне шөп салады. Өзім ер азамат болсам да айтайын, ер азаматтар тарапына әйелдің көзіне шөп салу фактілерімен көп келеді. Көп отбасылар содан бұзылады. Содан кризиске түсіп кетеді. Сонымен көп жұмыс істейміз», - деді психолог.
Подкастта коуч Роза Әшірбаева да өзіне көп қыз-келіншектер ерлердің сатқындығына қатысты сұрақ қоятынын айта кетті. Ал подкаст жүргізушілерінің бірі Әсел Налыбекова мұндай проблеманы тіпті блогерлер де жасырмай айта беретінін сөз етті.