RUS
Қауіпсіздік үшін киілетін шлемдерді Whoosh самокаттарына енгізудің басты себебі – қауіпсіздікті арттыру боп отыр. Қауіпсіздік шлемі бар самокаттар Алматыда қолжетімді. Сондай-ақ самокатты жалға алған жағдайда дулыға тегін беріледі.
Қауіпсіздік шлемін енгізудегі жобаға Whoosh электрсамокатының бір түрі ғана сынақтан өтпек. Компанияның айтуынша, болашақта барлық самокат түрі қауіпсіздік дулығасымен қамтылмақ. Ал шлемдерді жуу және дезинфекциялау электрлі самокаттарға тұрақты техникалық қызмет көрсету шеңберінде жүргізілмек.
— 2024 жылғы маусымның басында дулығалармен Whoosh бағының шамамен 30%, ал 2025 жылы - 70-80% жабдықталады деп жоспарлануда. Сонымен қатар, Алматыда құрылғылардың кемінде 15% дулығамен жарақтандырылатын болады. Осылайша кез келген пайдаланушы өзі үшін дулығамен жабдықталған самокатты таңдай алады, - дейді компания өкілдері.
Еске сала кетсек, Қазақстанда жүріс бөлігінің шетінде электрлі самокатпен жүру кезінде түймеленген дулыға кию міндетті. Бұл ереже «Жол қозғалысы туралы» жаңа заңда қарастырылған. Заңға сәйкес ережені сақтау жауапкершілігі электрлі самокаттың жүргізушісіне жүктеледі. Самокатпен веложолдар және жаяужол үстінде жүру әлі де дулығасыз мүмкін.
Осыған орай, дулығаларды пайдалану жөніндегі ұсыныстар Whoosh қосымшасында және басқа байланыс арналары арқылы пайдаланушыларға жеткізіледі. Бұл ЖМҚ-да жүру үшін дулыға кию «Жол қозғалысы туралы» Заңмен реттелген жағдайларды қоспағанда, талап емес, ұсыныс ретінде болады.