Головкин Қазақстан Республикасы ҰОК президенті болып сайланды
Ұйым қызметінің маңызды аспектілері талқыланған Қазақстан Республикасы Ұлттық Олимпиадалық комитетінің кезектен тыс Бас ассамблеясының нәтижесінде жаңа президент туралы шешім қабылданды. Бұл туралы smartnews.kz сайты хабарлап отыр.
Басты таңдау қазақстандық атақты боксшы, 2004 жылы Афинада өткен Олимпиада ойындарының күміс жүлдегері Геннадий Головкин болды.
Отырысқа олимпиадалық спорт түрлері бойынша 35 ұлттық спорт федерацияларының өкілдері, сондай-ақ Қазақстан Республикасы ҰОК Атлеттер комиссиясының екі өкілі қатысты. 2024 жылы Оңтүстік Кореяда өтетін жасөспірімдер арасындағы IV қысқы Олимпиада ойындарында еліміздің жасөспірімдер құрамасының өнер көрсетуінің қорытындылары, шілдеде Парижде өтетін алдағы жазғы Олимпиада ойындарына дайындық, сондай-ақ ҰОК құрылтай құжаттарын жаңарту мәселелері талқыланды.
Қазақстан Республикасы ҰОК президенті Тимур Құлыбаев өкілеттігін мерзімінен бұрын тоқтататынын мәлімдеді. Бас ассамблея мүшелерінің дауыс беру қорытындысы бойынша Геннадий Головкин бірауыздан Қазақстан Республикасы ҰОК президенті болып сайланды.