RUS
Видео түрлі палестиналық арнада пайда болған. Желіде тараған видеода тізерлеп тұрған екі ер адамның басына оқ атылғанын көруге болады. Видеоның рас-өтірігі әлі анықталмаған.
Бұған дейін ХАМАС өкілдері Газа секторында қанша инфрақұрылымға оқ атылса, сонша тұтқынды өлтіретіндерін мәлімдеген болатын.
ХАМАС басшылығының мүшесі Али Барак Израильдегі операция бір жыл бойы жоспарланғанын, 2 мыңға жуық адам қатысқанын айтқан. Сонымен қатар, Али Барак операцияны дайындауға Иран көмектесті деген ақпаратты жоққы шығарып, бұл АҚШ-тың Израиль мен Сауд Арабиясы арасындағы қатынастарды қалыпқа келтіру жөніндегі күш-жігерін бұзуға бағытталғанын айтқан. Бұл туралы "Страна.ua" Telegram-арнасында жазды.
Еске салайық, 7 қазанда таңертең "Изз ад-Дин аль-Кассам" бригадасының ХАМАС әскери қанаты бұрын-соңды болмаған операция басталғанын хабарлады. Газа секторынан Израильге қарай мыңдаған зымыран атылып, қарулы топтар Израиль елді мекендеріне кірді.
Өз кезегінде Израиль армиясы ондаған жойғыш ұшақтарды пайдаланып, Газа секторына шабуылдар басталғанын хабарлады.
Соңғы мәлімет бойынша, Израильдегі шабуылдар салдарынан кемінде 200 адам қаза тауып, мыңнан астамы жараланған. Газа секторында шабуылдардан 232 адам қаза тауып, 1,7 мыңға жуық адам жараланды деп хабарланды.