RUS
Бүгін Астана қаласында “Астана Бас жоспары” ғылыми-жобалау жоспарлау институтының ұйымдастырған қоғамдық талқылауы өтіп жатыр. Талқылау 23-24 тамыз аралығында әр ауданда ұйымдастырылады. Талқылаудың қорытындысы 25 тамызда өтпек.
Талқылаудың мақсаты - тұрғындардың наразылығы не ескерту мен қолдауы болған жағдайда, оның бәрін «Астана Бас жоспар» ҒЖЖИ мамандарымен талқылауға мүмкіндігін жасау.
Талқылау кезінде тұрғындар өздері тұратын шағын аудандар мен көшелерге қатысты мәселелерді көтеріп, аймақтағы даму үрдісі 2035 жылға дейін қалай дамитынын бақылады.
Тұрғындардың бірі “Астана маңындағы қалалар мен ауылдарды елорда құрамына қосу жоспарда бар ма?” деген сауалына, «Астана Бас жоспар» ҒЗЖИ мамандандырылған шеберханасының жетекшісі Мәулет Әлибаев мынадай жауап қайтарды:
- Қосшы мен Астана жолында күн сайын жүз мыңдай адам қатынаумен болады. Шамамен қосшылықтардың 90 пайызы күнделікті бас қаламызға келіп отырады деген сөз. Олар осында тұрмағанмен, көпшілігін жұмыс орны Астананың орталығында боп жатады. Қосшы қаласының тұрғындары осы үрдіс арқылы қала экономикасына әсер етіп жатыр десек те болады. Жалпы алғанда Қосшы облыс орталығы десек те болады. Қызылсуат ауылының тұрғындары да Астана жолында жиі қатынап отырады. Бірақ бұл аймақтарды Астанаға тартып, қосу мүмкін емес. Бір жағынан бұл саяси мәселе. Біздің міндет бас жоспарды тағайындап, халықтың комфорт өмірін қамтамасыздандыру, - дейді спикер.
Десе де, Мәулет Әлибаев көрші облыстармен тас жол арқылы қатынау жеңілдеуі мүмкін деген болжам келтірді.