RUS
SMARTNEWS.KZ басылымының хабарлауынша, 9-10 тамыз күндері ҚР Президенті Телерадиокешенінің ұйымдастыруымен Maqsut Narikbayev University қабырғасында Kazinform басылымының өңірлік журналистеріне арналған екі күндік семинар өтті.
Шараның мақсаты тәжірибе алмасып, оқыту мен ақпарат тарату саласындағы қабілеттерді шыңдау болды.
Екі күн ішінде семинарда журналистерге сарапшылар мәтін жазу, тақырыппен жұмыс, ашық дереккөздерден ақпаратты жинау және сараптау бойынша өз тәжірибелерімен бөлісті. Сондай-ақ ҚР Президентінің ТРК мен Kazinform ХАА командасымен таныстыру және экскурсия жұмыстары ұйымдастырылды. Журналистер құрылымдық бөлімдермен танысып, басшылықпен тілдесіп, пікірталастарға белсенді қатысып, нәтижелі пікір алмасуға ықпал еткен сұрақтарын да қойды.
Сонымен қатар, ҚР Президентінің Телерадиокешенімен бірлесіп ашылған Maqsut Narikbayev University-дің Халықаралық журналистика мектебіне экскурсия өткізілді. Бұл бірегей білім беру жобасы қазақстандық БАҚ үшін шығармашылық және техникалық мамандарды даярлауға бағытталған.
Іс-шара сондай-ақ Қазақстанның жетекші журналистері арасында білім алмасу және кәсіби байланыстар орнату үшін бірегей мүмкіндік бере алды. Бұл медиа-профессионалдарының желісін нығайтып, жалпы саланың дамуына ықпал етті.