Лакшми Миттал басқарған жылдары шахтада 200-ге жуық кенші қаза тапқан

"АрселорМиттал Теміртау" - арғы тегі үнді британдық миллиардер Лакшми Митталға қараған компания.

Бүгін түндегі "АрселорМиттал Теміртау" компаниясына қарайтын Костенко шахтасында кеншілер қаза тапты. Осыған байланысты мемлекет басшысы Үкіметке кеншілердің отбасыларына барлық қажетті көмек көрсетуді тапсырып, оқиғаның мән-жайын анықтау үшін үкіметтік комиссия құрылды.

Кейіннен Үкімет компания мемлекет меншігіне өтетінін хабарлады. Президент «АрселорМиттал Теміртау» компаниясымен инвестициялық ынтымақтастықты тоқтату жөнінде тапсырма берді:

- Біздің тарихымыздағы ең нашар компания болды. Енді кәсіпорынның өзіне қатысты шаралар қабылдау туралы ойлануымыз керек. Басин Вадим Борисович деген азамат бар. Сіздер оны білесіздер. Ол бір кездері «АрселорМитталда» жұмыс істеген. Облыс әкімінің орынбасары болды. Мен оған қайтып келіп, кәсіпорынды басқаруды тапсырамын. Кәсіпорынның қазіргі басшылығының қолынан ештеңе келмейді, - деді Мемлекет басшысы.

Компанияның бұрынғы басшысы Миттал басқарған тұста компанияда 200-ге жуық кенші қайтыс болғаны белгілі болды.

Басқа да маңызды жаңалықтар Telegram арнамызда!