RUS
Мадина Сәдуақасова
Әнші Мадина Сәдуақасованың өзінен 7 жас кіші Олжас Смағұловпен отбасын құрғанына шамамен 10 жыл болып қалды. Бүгінде олар Әнуар есімді ұлды тәрбиелеп отыр.
Айта кетейік, отандық әнші Мадина Сәдуақасованың ұлы Әнуар 9 жасқа толды. Өнер иесі ұлының туған күнін ерекше стильде, дүркіретіп атап өткен еді.
Гүлбаһрам Байбосынова
Театр және кино актрисасы Гүлбаһрам Байбосынова өзінен 10 жас кіші актер Қазбек Төленге тұрмысқа шыққан. Қазбек пен Гүлбахрам некесін 1 қарашада қиған. Ал ұзату тойынан кейін 13 қарашада екі жастың үйлену тойы да өткен.
Гүлбаһрам Байбосынова өзінен жасы кіші жігітке ұзатылғаннан кейін ел арасындағы қаңқу сөзге жауап берген болатын. Ол жұбайы екеуін ортақ бақыты ғана қызықтыратынын алға тартты.
Жанель Макажан
Отандық киноактриса Жанель Макажанның екінші күйеуі Абай Асылханұлы 26 жаста. Актриса күйеуінен 8 жасқа үлкен болғанымен, оның сөзінше, олар бақытты өмір сүруде.
Сондай-ақ бұған дейін актриса аяғы ауыр екенін айтып, жұбайына тосынсый жасаған болатын.
Әсел Сәдуақасова
Әсел Сәдуақасова күйеуінен 10 жасқа үлкен. Бірақ өзінің сөзінше, жас жұбайы — көптен іздеген адамы. Қазақстандық актриса Әсел Сәдуақасова 38 жаста, ал оның күйеуі Мағжан Тілеухан 28-де.
Сондай-ақ актрисаның сөзінше, ол сүйіктісін таныстары мен достарының көмегімен кездестірген. Жұмыс сапарлары кезінде сырттай тек жақсы сөздерді естіп жүріп, кейін бірге қосылған.
Бұған дейін қазақстандық актриса Әсел Сәдуақасова Instagram-дағы Stories-те көпшілікке басы бос кезінде ғашықтарға қалай қарағанын бөліскен болатын.
Баян Нұрмышева
Баян Нұрмышева да өзінен үш жас кіші жігітпен көңіл қосқан. Оның таңдаулысы қазақстандық әнші Ерлан Орынбасаровқа түсті.
Еске салсақ, бұдан бұрын жұлдызды жұп Ерлан Орынбасаров пен Баян Нұрмышева Ұлттық арнадағы "Таңшолпан" бағдарламасында қонақ болып, жаңа бейнебаянның тұсауын кескен болатын.
Сондай-ақ эфир барысында Ерлан өнердегі әріптестеріне ескерту жасағаны туралы жазған едік.
Ерке Есмахан мен Раймбек Бақтыгереев
Жас айырмашылығына қарамастан, махаббатымен көпшілікті сүйсіндірген жұптардың бірі Ерке Есмахан мен Раймбек Бақтыгереев. Екеуінің жас айырмашылығы 12 жыл.
Ерке Есмахан жұбайы екеуінің қарым-қатынасы 2018 жылы басталғанын айтты. Олар жақында мұсылманша некесін қидырған. Өнер иесі жұбайынан мәһрге не сұрағанын жасырмай айтып берді.
Кәмшат Жолдыбаева
КешYOU тобының бұрынғы солисі Кәмшат Жолдыбаеваның күйеуі өзінен бес жасқа кіші. Өнер иесі актер Ғазрет Ержановпен кездесіп жүргені белгілі болған. Ерлі-зайыпты "Рауза" атты отандық телехикаясында бірге рөл сомдап, тіпті бірнеше ашық сценаларға да түскен.
Бұған дейін отандық актриса әрі әнші Кәмшат Жолдыбаева Instagram желісінде оқырмандарына Таиландтағы демалыс кезінде түскен жаңа суретін бөлісті. Өнер иесін көпшілік түрік актрисасына ұқсатқаны туралы жазған едік.